Skip to content Skip to navigation

Connexions

You are here: Home » Content » Gesprek in dialoogvorm

Navigation

Recently Viewed

This feature requires Javascript to be enabled.
 

Gesprek in dialoogvorm

Module by: Siyavula Uploaders. E-mail the author

AFRIKAANS EERSTE ADDISIONELE TAAL

Graad 8

Module 2

GESPREK IN DIALOOGVORM

Aktiwiteit 1

  • Elkeen van die onderstaande tieners het ’n probleem. Lees wat elkeen sê en beantwoord dan die daaropvolgende vrae:

JAMES

My pa kla elke dag oor die telefoonrekening!

JANE

My ouers blameer my vriende as ek iets verkeerd doen.

RICUS

As ek soos my pa moet aantrek en na sy musiek moet luister, sal al my vriende dink ek is “weird”.

MARI

Ek wil nie universiteit toe gaan nie en my ouers kan die nie aanvaar nie.

MORNÉ

My ma kerm gedurig dat my sport té gevaarlik is.

  • Kies enige twee karakters en werk aan ’n gesprek tussen dié twee. Daarna moet julle dit dramatiseer.

OF

  • Beeld die gesprek tussen een van die tieners en een van hul ouers uit.
  • (Ongeveer 150 - 180 woorde)
  • Pare kan die gesprek voor die klas dramatiseer.

WENKE:

  • Beplan die gesprek goed.
  • Besluit vooraf wie die rolle gaan vertolk.
  • Let op jou stemgebruik.
  • Onthou dat jy ’n karakter vertolk.
  • Maak gebruik van liggaamstaal om emosies uit te beeld.
  • Die taalgebruik en woordeskat moet by die karakters pas.
  • Formele kostuums en dekor is nie werklik nodig nie.
  • Dit sal egter in jou guns tel indien elke karakter ten minste een klein item (bv. ’n doek, serp, bril, hoëhakskoene, telefoon, rooi lipstiffie, oorbelle, snor, ens.) kan saambring om die spesifieke karakter meer kleur te gee.
Table 1
         
  LU 2.2      
         

Aktiwiteit 2

  • Jy en jou maat moet nou dieselfde gesprek in DIALOOGVORM skryf. Bestudeer die onderstaande voorbeeld van ’n DIALOOG voordat jy begin. (Jou skryfstuk moet ongeveer 150 tot 180 woorde hê.)

Die volgende gesprek vind Saterdagaand ongeveer sesuur tussen twee vriende, Mario en Janet, plaas. Hulle is in ’n groot winkelsentrum.

Janet: Hallo, Mario.

Mario: (Verbaas) Hallo, Janet. Lekker om jou hier raak te loop. Hoe gaan dit?

Janet: Goed. Het jy die film geniet?

Mario: Ja, ek het dit geniet. Dit wat een van die mooiste films wat ek al ooit gesien het.

Janet: (tergend) Ek het nie geweet jy is so romanties nie.

Mario: (Verskonend) Ja, ek het eintlik gehoor dat dit ’n geskiedkundige fliek is. Ek het nie besef dat daar so baie romantiek sou wees nie. Maar dit was nogtans mooi.Het jy dit ook goed gevind?

Janet: Man, dit was bietjie hartseer, maar ek het dit tog geniet.En Richard Gere is natuurlik so oulik!

Mario: Al kritiek wat ek het, is dat dit ’n bietjie lank aangehou het.

Janet: Vir my het dit nie saak gemaak nie. Die tyd het gevlieg!

Mario: (Begin aanstap)Dit was lekker om jou hier raak te loop. Verskoon my, asseblief. My vriende wag. Mooi aand verder!

Janet: Tot siens. Sien jou Maandag by die skool !

Table 2
         
  LU 4.4      
         

Aktiwiteit 3

  • Lees weer die direkte woorde van die tieners by aktiwiteit 8 en skryf dan hul woorde in die INDIREKTE REDE. Met ander woorde, jy gaan oorvertel wat hulle gesê het.

HOU DIE VOLGENDE IN GEDAGTE:

  • Wanneer ons oorvertel, gebruik ons die voegwoord, DAT en die werkwoord van die tweede deel van die sin, beweeg na die einde van die sin.
  • Sekere woorde verander ook. Hier volg ’n paar voorbeelde:
  • Ek  sy/hy
  • Ons  hulle
  • Hier  daar
  • Hierdie  daardie
  • Vandag  daardie dag
  • Gister  die vorige dag
  • More  die volgende dag
  • Nou  toe
  • Voorbeeld: Marli sê: “Ek hou van my onderwyser.” Marli sê dat sy van haar onderwyser hou. John het gesê: “Ons gaan almal na die partytjie.” John het gesê dat hulle almal na die partytjie gaan.

Indirekte rede:

Geen aanhalingstekens nie.Geen dubbelpunte nie.Let op die woordorde wat verander.

Table 3
         
  LU 6.2      
         

Aktiwiteit 4

  • Die onderstaande uitdrukkings het met familiesake of huissake te make. Kies elke keer uit kolom B ’n beskrywing wat by die uitdrukking in kolom A pas en verbind die twee.
Table 4
KOLOM A   KOLOM B
Bloed is dikker as water.   Verleë terugkeer
Baantjies vir boeties   Besittings/geld waarvoor ’n mens nie self gewerk het nie, verloor jy maklik.
Huis se kant toe staan.   Vir jou familie sal jy altyd meer doen as vir ander.
Die appel val nie ver van die boom af nie.   Ver langs familie.
Elke huis het sy kruis.   Dis ’n eienskap wat ’n mens in die familie kry.(Bv. rooi hare)
Erfgeld is swerfgeld.   Die kind aard na sy pa/ma.
Familie van Adam se kant af.   Poste vir familie verskaf.
Met ’n blik aan sy stert huis toe kom.   Huis toe gaan.
Dit is in die familie.   Elke huis het sy eie hartseer/probleme.
Table 5
         
  LU 6      
         

Aktiwiteit 5

  • KIES NOU ENIGE UITDRUKKING EN SKRYF ’N VERHAAL. (Maak seker dat julle verstaan wat met die uitdrukking bedoel word. Julle kan ’n gebeurtenis in jul eie familie beskryf of oor iets skryf wat in ’n ander familie gebeur het. Julle kan selfs jul verbeelding gebruik.)

Jou opstel moet uit 250 tot 300 woorde bestaan.

Table 6
         
  LU 4.7      
         

Assessering

Table 7
Leeruitkomstes(LUs)
 
LU 1 LUISTER
Die leerder is in staat om vir inligting en genot te luister en gepas en krities binne ’n wye verskeidenheid situasies te reageer.
Assesseringstandaarde(ASe)
 
Dit is duidelik wanneer die leerder:
1.4 aandagtig luister tydens ’n bespreking.
LU 2 PRAAT
Die leerder is in staat om vrymoedig en doeltreffend in gesproke taal binne ’n wye verskeidenheid situasies te kommunikeer.
Dit is duidelik wanneer die leerder:
2.2 interaksie voer in addisionele taal;
2.3 ontwikkeling toon in die vermoë om kenmerke van die gesproke taal te gebruik en te kommunikeer;
2.4 sosiale en etiese kwessies debatteer.
LU 3 LEES EN KYK
Die leerder is in staat om vir inligting en genot te lees en te kyk en krities op die estetiese, kulturele en emosionele waardes in tekste te reageer.
Dit is duidelik wanneer die leerder:
3.1 fiksie- en nie-fiksieverhale lees;
3.2 sommige elemente van die poësie verstaan;
3.7 vir genot lees;
3.8 sommige elemente van die poësie verstaan.
LU 4 SKRYF
Die leerder is in staat om verskillende soorte feitelike en verbeeldingstekste vir ’n wye verskeidenheid doeleindes te skryf.
Dit is duidelik wanneer die leerder:
4.1 skryf om inligting oor te dra;
4.4 skeppend skryf;
4.7 gebruik ontwikkelende kennis van taalstruktuur en -gebruik.
LU 5 DINK EN REDENEER
Die leerder is in staat om taal vir dink en redeneer te gebruik en inligting vir leer te verkry, verwerk en gebruik.
Dit is duidelik wanneer die leerder:
5.3 inligting versamel en dit op verskillende maniere opteken.
LU 6 Taalstruktuur en –gebruik
Die leerder ken en is in staat om die klanke, woordeskat en grammatika van die taal te gebruik om tekste te skep en te interpreteer.
Dit is duidelik wanneer die leerder:
6.2 eenvoudige taalvorme en sinstrukture, gebruik.

Memorandum

AKTIWITEIT 2

Matriks vir funksionele skryf kan hier gebruik word.

AKTIWITEIT 3

Indirekte rede:

  • Jane sê dat haar ouers haar vriende blameer as sy iets verkeerd doen.
  • Morné sê sy ma sê dat sy sport (skaatsplankry) te gevaarlik is.
  • James sê dat sy pa elke dag oor die telefoonrekening kla.
  • Ricus sê as hy soos sy pa moet aantrek en na sy musiek moet luister, sal al sy vriende dink dat hy ‘weird’ is.
  • Mari sê dat haar ouers dit nie wil aanvaar dat sy nie universiteit tot wil gaan nie.

AKTIWITEIT 4

Table 8
KOLOM A KOLOM B
Bloed is dikker as water. Vir jou familie sal jy altyd meer doen as vir ander.
Baantjies vir boeties Poste vir familie verskaf.
Huis se kant toe staan. Huis toe gaan.
Die appel val nie ver van die boom af nie. Die kind aard na sy pa/ma.
Elke huis het sy kruis. Elke huis het sy eie hartseer/probleme.
Erfgeld is swerfgeld. Besittings/geld waarvoor ‘n mens nie self gewerk het nie, verloor jy maklik.
Familie van Adam se kant af. Ver langs familie.
Met ‘n blik aan sy stert huis toe kom. Verleë terugkeer
Dit is in die familie. Dis ‘n eienskap wat ‘n mens in die familie kry.(Bv. rooi hare)

AKTIWITEIT 5

Die matriks vir opstelle (kreatiewe skryfwerk) mag hier gebruik word.

Content actions

Download module as:

PDF | EPUB (?)

What is an EPUB file?

EPUB is an electronic book format that can be read on a variety of mobile devices.

Downloading to a reading device

For detailed instructions on how to download this content's EPUB to your specific device, click the "(?)" link.

| More downloads ...

Add module to:

My Favorites (?)

'My Favorites' is a special kind of lens which you can use to bookmark modules and collections. 'My Favorites' can only be seen by you, and collections saved in 'My Favorites' can remember the last module you were on. You need an account to use 'My Favorites'.

| A lens I own (?)

Definition of a lens

Lenses

A lens is a custom view of the content in the repository. You can think of it as a fancy kind of list that will let you see content through the eyes of organizations and people you trust.

What is in a lens?

Lens makers point to materials (modules and collections), creating a guide that includes their own comments and descriptive tags about the content.

Who can create a lens?

Any individual member, a community, or a respected organization.

What are tags? tag icon

Tags are descriptors added by lens makers to help label content, attaching a vocabulary that is meaningful in the context of the lens.

| External bookmarks