Skip to content Skip to navigation
AKTIWITEIT 1
Om vir inligting te kan lees
| Bongani op blink koers ná varkhok | |
| BORRIE LA GRANGEKAAPSTAD .-Drie jaar nadat hy in ’n varkhok na kos gesoek het, is Bongani Magali (13) vandag ’n selfversekerde kind en blink hy uit in sport.Bongani se merkwaardige verhaal het op Paasvrydag 2000 begin toe die 5-jarige Grant Moore sy pa, ’n boer van Philippi, gevra het of die toe 10-jarige seun met wie hy naby die varkhok gespeel het, die naweek by die gesin kon oorbly.Volgens Bongani het hy vroeër by sy ma op Philippi gewoon en soms saam met haar na een van die Moores se varkwagters gegaan om kos te vra."Ek het een oggend wakker geword en toe was sy net weg," vertel Bongani. "Ek het na die man by die varkhok gegaan en hom gevra of sy al by hom was. Hy het voorgestel dat ek daar by die hokke vir haar wag. Sy het nooit gekom nie."Tot vandag toe het hy nie weer sy ma gesien nie. "Bongani het by ons ingetrek en sedertdien woon hy hier as deel van die gesin," het Grant se ma, me. Linda Moore, gesê.Hy is ’n "ouboet" vir Moore se vyf ander kinders.Kort na sy aankoms op die plaas het Bongani een van die staljongens daar gevra of hy op een van die perde by die Moores se ryskool mag ry.Dit was nie lank voordat dit geblyk het dat hy ’n begaafde ruiter is nie. Vandag is hy ’n uitmuntende ruiter wat met vele skoutrofeë spog. | "In al die plaaslike kompetisies waaraan Bongani tot dusver deelgeneem het, het hy nog net twee keer derde gekom en die res almal gewen," het Moore trots gesê oor sy skitterende prestasies.Moore en ’n vriendin het kort na sy aankoms by die gesin besluit hy moet weer skoolgaan."Ons het hom by al die skole in die omgewing probeer inskryf, maar nie een wou hom aanvaar nie. Die Laerskool Groote Schuur was toe ál skool wat ons wou help om Bongani weer op die skoolbanke te kry," het Moore gesê.Dit is daar dat hy binne enkele maande gewys het dat hy boonop ’n kranige rugbyspeler, swemmer en hoogspringer is.Dié gr. 6-leerling is kort daarna gekies om aan die Wes-Kaapse provinsiale laerskoolrugbyproewe deel te neem, waarna hy gekeur is vir die WP-span wat aan die Cravenweek deelgeneem het.Die springbokvleuel Breyton Paulse is Bongani se held en plakkate van hom is oral teen sy mure opgeplak.Sy skoolhoof, mnr. Anton Meyer, het gesê Bongani is ’n gebore leier en sy skoolmaats is gaande oor hom."Sy sporttalent sal hom nog ver bring as hy aanhou om die geleenthede wat hy kry, aan te gryp soos wat hy nou doen."Uit: Die Burger |
1. Bongani is … jaar oud.
2. Bongani het drie jaar gelede … in die varkhok gesoek.
3. Sy verhaal het … begin.
4. Grant Moore se pa was ’n…
5. Bongani het vroeër by sy ma op…gebly.
6. Nadat Bongani se ma verdwyn het, het hy…
7. Saam met Bongani in die huis, het die Moores … kinders om te versorg.
8. Kort na Bongani se aankoms op die plaas, het hy…
9. Watter woord pas nie? Die woord “begaafde” kan met een van die volgende woorde vervang word sonder om die betekenis te verander.
10. Kies die korrekte antwoord. Bongani het as perderuiter so uitstekend gevaar dat hy al die plaaslike kompetisies waaraan hy deelgeneem het, gewen het, behalwe die…
11. Die skool wat Bongani aanvaar het, was…
12. Watter antwoord pas nie? Bongani is ook ’n goeie …
13. Bongani is gekies om aan die Cravenweek deel te neem omdat hy in … uitgeblink het.
14. Breyten Paulse is Bongani se…
15. Watter een van die volgende stellings is nie waar nie. Die skoolhoof sê dat Bongani…
| LU 3.4 | ||||
| LU 3 LEES EN KYK |
| Die leerder is in staat om vir inligting en genot te lees en te kyk en krities op die estetiese, kulturele en emosionele waardes in tekste te reageer. |
| Dit word bewys as die leerder: |
| 3.4 begrip toon van ’n wye verskeidenheid informatiewe tekste: |
| 3.7 evalueer tegnieke wat in visuele, geskrewe en multimedia-tekste gebruik word om ‘n spesifieke effek te bereik: |
AKTIWITEIT 1
1. dertien
2. iets om te eet
3. Paasvrydag 2000
4. boer
5. Phillipi
6. by die Moore-gesin ingetrek
7. ses
8. gevra of hy op een van die perde mag ry
9. Patetiese
10. twee, waarin hy derde plek behaal het.
11. Laerskool Groote Schuur
12. krieketspeler
13. rugby
14. held
15. se ma sy ondergang gaan beteken
More about this module: Metadata | Downloads | Version History
This work is licensed by Siyavula Uploaders under a Creative Commons Attribution License (CC-BY 3.0), and is an Open Educational Resource.
Last edited by Siyavula Uploaders on May 27, 2009 3:56 pm GMT-5.
