Die avonture van die Wapse is nou verbonde aan die ondervindings van elke leerder in Graad 1, seuns sowel as dogters. Hulle word blootgestel aan ander omgewings - stedelik, platteland, en word bewus van hoe anders mense lewe, bv. in die bos, sonder krane en elektrisiteit.

Opvoeders moet onthou dat daar leerders in hul klas mag wees wat nie Graad R bygewoon het nie en dus sekere vaardighede, strategieë en konsepte van Graad R nie ontwikkel of aangeleer het nie. Die opvoeder het dus nodig om te verseker dat hierdie in Graad 1 aangeleer en ontwikkel word. (Sien Graad R-modules)

Luister en spraak is die belangrike fondamente waarop geletterdheid gebou word. Die mate waarvolgens leerders die praat van hul huistaal bemeester het, sal verskil en die opvoeder moet hiervan bewus wees.

Taalontwikkeling is ‘n proses wat geleidelik ontwikkel en elke leerder het die simpatieke ondersteuning van die opvoeder ter alle tye nodig.

In Graad 1 luister en lees die leerders stories en word hulle betrek by die leer van klanke en die skryf van die taal. Die klasomgewing moet ‘n plek wees wat die leerders sal aanmoedig om alle aspekte van die taal te leer.

TYDSKEDULE

Alle leerders behoort al agt modules te voltooi, plus-minus twee per kwartaal. Hulle moet toegelaat word om teen hulle eie spoed te werk.

Die Toebels is Willie se maats. Hulle bly in tonnels in die grasland. Die reën veroorsaak ‘n vloed. Die uil weet wat om te doen. Daar is stories om te lees, verjaardagkaartjies om te maak en probleme om op te los.

Table 1

Skrif
en		,	,	,	,
klanke		,

INTEGRASIE VAN TEMAS

Sosiale geregtighede

n Gesonde omgewing

Die bos is vandag anders, heeltemal anders. Die Wapse is verskriklik besig. Vandag is daar nie Wapse wat rustig loop en blomme pluk, of op die grond sit en koeldrank drink, of na die voëltjies luister nie. Niemand stop eers om ‘n geselsie aan te knoop nie. Almal skarrel rond, want vanaand is dit die Herfs-fees. Ja, dit is herfs in die bos. Die eerste blare aan die grootste boom in die bos het begin verkleur. En dit is die teken vir die Wapse om fees te vier.

Miskien wonder jy hoekom die Wapse nou juis in die herfs feesvier. Miskien sou jy eerder in die lente, of in die somer, fees gevier het. Maar dit doen die Wapse ook! Die Wapse is vreeslik lief vir al die seisoene. Hulle vier aan die begin van elke seisoen fees om daardie seisoen welkom te heet in die bos. Want sien, die Wapse weet hoe belangrik seisoene in die bos is. Hulle weet dat die plante in die winter rus, in die lente weer begin bot, in die somer blom en vrugte dra, en in die herfs weer gereed maak vir die winterslaap. En daarom vier die Wapse fees. Dis herfs in die bos!

Die Waps-kinders moes gaan bessies pluk en neute optel. Die mammas maak bessiesap en okkerneutkoekies. Die pappas pak tafels uit en versier dit met takkies, blare en gekleurde bessies. Van die Wapse versier die paadjies met wit rivierklippies wat in die donker sal blink. Almal het ‘n werkie. En almal is opgewonde!

Uiteindelik is dit aand! En wat ‘n pragtige aand is dit nie. Oral in die bos maak die vuurvliegies lig. Oral sien jy Wapse uit hulle boomhuise kom met hulle beste klere aan. Die mammas dra sulke lang gekleurde rokke (almal rooi, oranje, geel of bruin, want dit is die kleure van herfs) en die pappas dra netjiese baadjies en blink skoene. Die Waps-kinders se hare is netjies gekam en hulle gesiggies blink geskrop by die rivier. Selfs Vollie dra vanaand ‘n strik om sy nek, en Makkie dra een om sy lang stert. (Willie moes hom help om dit vas te bind, want hy kan nie daar agter bykom nie. Die strik het afgeval toe Makkie haastig uit die boom klouter, maar gelukkig het Bienkie dit opgetel en nou lyk Makkie weer al te spoggerig.)

Al die Wapse is vrolik! Hulle sing en dans en vertel stories wat hulle lank, lank gelede by hulle oupas en oumas gehoor het. Die mooiste storie van die aand is een wat Grootoog vertel. ‘n Storie van die tyd toe die Wapse nog in grotte gewoon het, en niemand nog geweet het van boomhuise bou en trapleertjies opsit nie. Toe die Wapse nog in die aande vuur gemaak het om die wilde diere weg te hou en dae lank moes stap om kos te kry. Van die tyd toe daar nie moltreine en supermarkte was nie. Stories van jare gelede, toe hulle oupas se oupas nog kinders was.

Die Wapse gaan eers huis toe toe die son sy eerste geel strale in die bos kom gooi. Pappas dra kinders op hulle skouers huis toe, want almal is pootuit na die wonderlike aand. Nou is daar weer stilte in die bos. Dis Herfs!

Figure 1

Figure 2

Figure 3

Figure 4

Figure 5

Figure 6

Figure 7

Figure 8