Skip to content Skip to navigation

OpenStax_CNX

You are here: Home » Content » Wat 'n Ramp! - 05

Navigation

Lenses

What is a lens?

Definition of a lens

Lenses

A lens is a custom view of the content in the repository. You can think of it as a fancy kind of list that will let you see content through the eyes of organizations and people you trust.

What is in a lens?

Lens makers point to materials (modules and collections), creating a guide that includes their own comments and descriptive tags about the content.

Who can create a lens?

Any individual member, a community, or a respected organization.

What are tags? tag icon

Tags are descriptors added by lens makers to help label content, attaching a vocabulary that is meaningful in the context of the lens.

This content is ...

In these lenses

  • GETFdnPhaseLang display tagshide tags

    This module is included inLens: Siyavula: Languages (Gr. R-3)
    By: SiyavulaAs a part of collection: "Afrikaans Huistaal Graad 1"

    Collection Review Status: In Review

    Click the "GETFdnPhaseLang" link to see all content selected in this lens.

    Click the tag icon tag icon to display tags associated with this content.

Recently Viewed

This feature requires Javascript to be enabled.

Tags

(What is a tag?)

These tags come from the endorsement, affiliation, and other lenses that include this content.
 

Wat 'n Ramp! - 05

Module by: Siyavula Uploaders. E-mail the author

AFRIKAANS HUISTAAL

Wat ‘n ramp!

OPVOEDERS AFDELING

Memorandum

INLEIDING

Die avonture van die Wapse is nou verbonde aan die ondervindings van elke leerder in Graad 1, seuns sowel as dogters. Hulle word blootgestel aan ander omgewings - stedelik, platteland, en word bewus van hoe anders mense lewe, bv. in die bos, sonder krane en elektrisiteit.

Opvoeders moet onthou dat daar leerders in hul klas mag wees wat nie Graad R bygewoon het nie en dus sekere vaardighede, strategieë en konsepte van Graad R nie ontwikkel of aangeleer het nie. Die opvoeder het dus nodig om te verseker dat hierdie in Graad 1 aangeleer en ontwikkel word. (Sien Graad R-modules)

Luister en spraak is die belangrike fondamente waarop geletterdheid gebou word. Die mate waarvolgens leerders die praat van hul huistaal bemeester het, sal verskil en die opvoeder moet hiervan bewus wees.

Taalontwikkeling is ‘n proses wat geleidelik ontwikkel en elke leerder het die simpatieke ondersteuning van die opvoeder ter alle tye nodig.

In Graad 1 luister en lees die leerders stories en word hulle betrek by die leer van klanke en die skryf van die taal. Die klasomgewing moet ‘n plek wees wat die leerders sal aanmoedig om alle aspekte van die taal te leer.

TYDSKEDULE

Alle leerders behoort al agt modules te voltooi, plus-minus twee per kwartaal. Hulle moet toegelaat word om teen hulle eie spoed te werk.

‘n Ramp tref die maats in die bos. Uil gee goeie raad.

Hoë-frekwensie woorde en nuwe woordeskat word hersien.

Skrif tussen lyne kry aandag.

INTEGRASIE VAN TEMAS

  • Sosiale geregtighede

Leerders word bewus van mense met liggaamlike gebreke. Hulle het spesiale versorging nodig en ander moet nie neersien op hulle nie. Gevoelens word bespreek en leerders word bewus van wat veroorsaak ongelukkigheid, hartseer, vrees ens.

  • ‘n Gesonde omgewing

Leerders leer meer van die natuur naamlik, akkedisse; hoe om die natuur te bewaar en te versorg.

Die Graad 1‘s behoort nou min of meer in die helfte van die jaar te wees. Hulle ken al hulle enkelklanke en gaan nou meer aandag gee aan woordbou, asook die aanleer van dubbelklanke. In hierdie module word aa, ee en oo aangeleer. Onthou om hierdie klanke op gereelde basis vir die leerders te flits.

In hierdie module begin die leerders in dik lyntjies skryf. Sommige skole verkies dat die leerders direk in dun lyntjies begin skryf, of slegs in die helfte van die lyntjie skryf. In daardie geval moet die module asseblief aangepas word.

Leerders moet elke week ten minste een storie skryf. Laat hulle die woorde op hulle woordeskatbladsye en hulle woordeboekies hiervoor gebruik. Gee aan hulle ‘n onderwerp soos “Willie”, of “Willie en Makkie gaan speel”, of “Makkie se partytjie”. Daar is verskeie uitkomste wat hierop van toepassing is. Die onderwyser kan, soos wat hy / sy in die klas op sekere aspekte van skryf fokus, self besluit watter uitkoms by watter geleentheid geassesseer gaan word.

LU 4.5 LU 4.6 LU 6.2 LU 6.3

Die leerders behoort nou al meer selfstandig te wees om groter verantwoordelikheid te aanvaar. Deel hiervan is om self boodskappe tuis en by die skool korrek oor te dra. Leerders kan dit eers in die klas oefen, waar die opvoeder vir hulle ‘n boodskap gee om aan ‘n ander opvoeder of selfs aan ‘n ander leerder oor te dra. Toets die leerders gereeld hierin. Stuur op spesifieke dae ‘n vraag of boodskap huis toe en laat die leerders die volgende dag die antwoord terug rapporteer. Doen dit gereeld totdat die leerders dit korrek kan doen.

LU 1.5 LU 2.5

Die leerders het teen hierdie tyd ‘n redelike woordeskat opgebou. Hulle behoort teen hierdie tyd ook eenvoudige biblioteekboeke met eenvoudige woordeskat en baie herhaling te kan lees. Nooi leerders uit om sulke boeke by die skool te kom lees. Hulle kan die storie voorlees en vertel hoekom hulle daarvan hou. Bespreek die karakters en gebeure in die boek. Maak seker dat, selfs al het hulle die storie gememoriseer, hulle die boeke korrek hanteer (reg vashou, korrek blaai, ens.). Laat leerders die storie voorspel deur na die voorblad en prente in die boek te kyk. Wanneer hulle vashaak, kan hulle na ander woorde in die sin of na die prent kyk, of hulle kan “raai” wat die woord dalk kan wees. Daar is weer eens heelwat uitkomste wat hierop van toepassing is. Die onderwyser kan elke keer op ‘n ander aspek fokus en die leerders oor ‘n tydperk toets.

LU 3.1 LU 3.2 LU 3.3

LU 3.4 LU 3.6

In hierdie module gaan die leerders heelwat hersiening doen van die frekewensie-woordeskat wat reeds aangeleer is. Sorg dat hulle dit gereeld lees en gebruik. Flits die woorde vir hulle en laat hulle dit gebruik wanneer hulle stories skryf.

LU 3.4

Leer ook vir hulle die volgende woorde aan as frekwensie-woordeskat: jaag, stert, vinnig, soek, verloor, hartseer, kwaad, bang, opgewonde.

LU 3.4

Lees die storie aan hulle voor. Vra vooraf vir die leerders om spesifiek te luister hoe Makkie sy stert verloor het. Vra aan die einde van die storie vir hulle hoe dit gebeur het. Doen dieselfde met ander stories. Vra vooraf vir die leerders om vir iets spesifieks, of vir ‘n hoofgedagte, te luister (bv. luister na die storie en probeer agterkom hoeveel kinders altesaam in die park gaan speel het, of hoekom Hansie so graag nuwe skoene wou hê). Doen dit totdat u uiteindelik al die leerders hierop geassesseer het.

LU 1.3

Vra na die storie vir die leerders hoe hulle voel as hulle iets verloor het (dit sluit ook by die vorige module aan). Laat hulle veral oor hulle gevoelens gesels. Wat maak ons nog ongelukkig? Wat maak jou bly / kwaad / opgewonde?

LU 2.1

Daar is ‘n hersieningsbladsy van woorde wat die leerders in die eerste paar modules geleer het. Laat hulle die woord met die regte prentjie verbind (elkeen in ‘n ander kleur, anders is dit moeilik om na te sien).

Vertel, in u eie woorde, aan die leerders die legende wat verduidelik hoekom dassie nie ‘n stert het nie. Laat hulle daarna die diere en hul sterte op die volgende bladsy uitknip en die sterte by die regte diere plak.

Lank, lank gelede, het geeneen van die diere sterte gehad nie. Dit was nogal lastig, want ‘n stert kan tog so handig wees om vlieë weg te jaag. Op ‘n dag kom daar ‘n boodskap na die diere wat sê dat daar die volgende middag, op die hoë berg, sterte uitgedeel sal word.

Van die diere, soos luiperd en jakkals, het sommer dadelik begin stap. Hulle wou seker maak dat hulle mooi sterte kry. Van die ander diere, soos hasie, olifant en kameelperd was bietjie luier. Hulle wou nog eers ‘n bietjie eet en in die middagsonnetjie staan. Hulle sou wel ook darem ‘n stert kry.

Van al die diere was dassie die minste lus vir die klim teen die berg op. Hy wou darem veel eerder in die sonnetjie lê. Hy besluit toe om so halfpad teen die berg op ‘n klip te gaan sit en kyk hoe die diere met hulle nuwe sterte lyk as hulle afkom.

Dit was ook nie lank voor van die diere teen die berg begin afkom het nie. Jakkals was baie trots op sy pragtige stert. Hy het dit voor dassie gewaai en gewag dat dassie dit moes bewonder. Ook luiperd het baie van sy sterk stert met die kolle op gehou. Een na die ander het die diere begin afkom. Buffel, leeu, sebra, renoster, seekoei en al die ander diere. Dassie het gelê soos hy lag vir hasie en olifant se kort stertjies. Ook kameelperd het vir dassie baie snaaks gelyk met sy kort stertjie en lang nek. “En wat van jou, Dassie,” het kameelperd gebrom. “Wanneer gaan jy ‘n stert kry?”

Skielik het dassie geskrik. Die mooi lang sterte was lankal op. Hy sou moes hardloop om selfs ‘n kort stertjie te kry.

Maar dassie was te laat. Teen die tyd dat hy bo-op die berg gekom het, was daar glad nie meer sterte oor nie. Nie eens een ou klein stertjie nie.

Dassie moes maar druipstert omdraai. En van daardie dag af moes dassie maar tussen die klippe wegkruip, want die ander diere het altyd gelag as hulle hom so sonder ‘n stert sien.

LEERDERS AFDELING

Inhoud

  • Lees die gediggie. Kan julle bewegings by die woorde sit?

In die bos is almal bly

Makkie het sy stert gekry.

Almal het so lank gesoek

om elke draai en elke hoek.

Dis nou tyd om fees te vier

in die bos, ja sommer hier!

Klap jul hande almal saam

maak nie saak wat is jou naam!

Spring dan hoog op in die lug.

Vandag moet jy nie een keer sug!

Sit jou hande in jou sy,

dans dan sommer, ons is bly!

Table 1
LU 2.3   LU 3.4  
  • Knip die prente uit en pas die diere by hul sterte.
Figure 1
Figure 1 (graphics1.png)
  • Knip die prente uit en pas die diere by hul sterte.
Figure 2
Figure 2 (graphics2.png)
Table 2
LU 5.3  
  • Kyk na die prente. Omkring die verskille wat jy sien.
Figure 3
Figure 3 (graphics3.png)
Table 3
LU 5.3  
  • Kies die regte klankie om die woord te bou.
Figure 4
Figure 4 (graphics4.png)
Table 4
LU 1.6  
  • Lees die storie en teken die prent.

Willie wil met sy skopfiets gaan ry. Sy skopfiets is weg. Willie soek en soek. Hy soek in die boomhuis. Hy soek op die grond. Hy kan sy skopfiets nêrens kry nie. Makkie help vir Willie. Hulle kan nie die skopfiets kry nie. Hier kom Kassie aan. Kassie het Willie se skopfiets. Almal is baie bly.

Figure 5
Figure 5 (graphics5.png)
Table 5
LU 3.4  

Assessering

Leeruitkomste 1:LUISTER: Die leerder is in staat om vir inligting en genot te luister en gepas en krities binne ‘n wye verskeidenheid situasies te reageer.

Assesseringstandaard 1.6: Dit is duidelik wanneer die leerder klankbewustheid ontwikkel.

Leeruitkomste 2:PRAAT: Die leerder is in staat om vrymoedig en doeltreffend in gesproke taal binne ‘n wye verskeidenheid situasies te kommunikeer.

Assesseringstandaard 2.3: Dit is duidelik wanneer die leerder sing, resiteer, mimiek en liedjies, gedigte en rympies opvoer.

Leeruitkomste 3:LEES EN KYK: Die leerder is in staat om vir inligting en genot te lees en te kyk en krities op die estetiese, kulturele en emosionele waardes in tekste te reageer.

Assesseringstandaard 3.4: Dit is duidelik wanneer die leerder letters en woorde herken en betekenis uit geskrewe teks skep.

Leeruitkomste 5:DINK EN REDENEER: Die leerder is in staat om taal vir dink en redeneer te gebruik en inligting vir leer te verkry, verwerk en gebruik.

Assesseringstandaard 5.3: Dit is duidelik wanneer die leerder taal gebruik om te ondersoek.

Content actions

Download module as:

PDF | EPUB (?)

What is an EPUB file?

EPUB is an electronic book format that can be read on a variety of mobile devices.

Downloading to a reading device

For detailed instructions on how to download this content's EPUB to your specific device, click the "(?)" link.

| More downloads ...

Add module to:

My Favorites (?)

'My Favorites' is a special kind of lens which you can use to bookmark modules and collections. 'My Favorites' can only be seen by you, and collections saved in 'My Favorites' can remember the last module you were on. You need an account to use 'My Favorites'.

| A lens I own (?)

Definition of a lens

Lenses

A lens is a custom view of the content in the repository. You can think of it as a fancy kind of list that will let you see content through the eyes of organizations and people you trust.

What is in a lens?

Lens makers point to materials (modules and collections), creating a guide that includes their own comments and descriptive tags about the content.

Who can create a lens?

Any individual member, a community, or a respected organization.

What are tags? tag icon

Tags are descriptors added by lens makers to help label content, attaching a vocabulary that is meaningful in the context of the lens.

| External bookmarks