Skip to content Skip to navigation

OpenStax_CNX

You are here: Home » Content » Willie gaan visvang - 01

Navigation

Lenses

What is a lens?

Definition of a lens

Lenses

A lens is a custom view of the content in the repository. You can think of it as a fancy kind of list that will let you see content through the eyes of organizations and people you trust.

What is in a lens?

Lens makers point to materials (modules and collections), creating a guide that includes their own comments and descriptive tags about the content.

Who can create a lens?

Any individual member, a community, or a respected organization.

What are tags? tag icon

Tags are descriptors added by lens makers to help label content, attaching a vocabulary that is meaningful in the context of the lens.

This content is ...

In these lenses

  • GETFdnPhaseLang display tagshide tags

    This module is included inLens: Siyavula: Languages (Gr. R-3)
    By: SiyavulaAs a part of collection: "Afrikaans Huistaal Graad 1"

    Collection Review Status: In Review

    Click the "GETFdnPhaseLang" link to see all content selected in this lens.

    Click the tag icon tag icon to display tags associated with this content.

Recently Viewed

This feature requires Javascript to be enabled.

Tags

(What is a tag?)

These tags come from the endorsement, affiliation, and other lenses that include this content.
 

Willie gaan visvang - 01

Module by: Siyavula Uploaders. E-mail the author

AFRIKAANS HUISTAAL

Willie gaan visvang

OPVOEDERS AFDELING

Memorandum

INLEIDING

Die avonture van die Wapse is nou verbonde aan die ondervindings van elke leerder in Graad 1, seuns sowel as dogters. Hulle word blootgestel aan ander omgewings - stedelik, platteland, en word bewus van hoe anders mense lewe, bv. in die bos, sonder krane en elektrisiteit.

Opvoeders moet onthou dat daar leerders in hul klas mag wees wat nie Graad R bygewoon het nie en dus sekere vaardighede, strategieë en konsepte van Graad R nie ontwikkel of aangeleer het nie. Die opvoeder het dus nodig om te verseker dat hierdie in Graad 1 aangeleer en ontwikkel word. (Sien Graad R-modules)

Luister en spraak is die belangrike fondamente waarop geletterdheid gebou word. Die mate waarvolgens leerders die praat van hul huistaal bemeester het, sal verskil en die opvoeder moet hiervan bewus wees.

Taalontwikkeling is ‘n proses wat geleidelik ontwikkel en elke leerder het die simpatieke ondersteuning van die opvoeder ter alle tye nodig.

In Graad 1 luister en lees die leerders stories en word hulle betrek by die leer van klanke en die skryf van die taal. Die klasomgewing moet ‘n plek wees wat die leerders sal aanmoedig om alle aspekte van die taal te leer.

TYDSKEDULE

Alle leerders behoort al agt modules te voltooi, plus-minus twee per kwartaal. Hulle moet toegelaat word om teen hulle eie spoed te werk.

Sport as onderwerp word in hierdie module behandel. Willie gaan visvang en daar wag ‘n groot verrassing.

Woorde en letters word tussen lyne geoefen.

INTEGRASIE VAN TEMAS

Menseregte

  • Almal het die reg op sportdeelname. Daar moet geriewe vir almal wees.

‘n Gesonde omgewing

  • Daar moet veilige plekke wees waar kinders kan speel.
  • Bespreek.

Die module, “Willie gaan visvang”, behandel verskillende sportsoorte. Laat die kinders gesels oor die sportsoorte waaraan hulle deelneem en sportfoto’s en -berigte klas toe bring.

Probeer om een of meer sportwedstryde op radio of televisie vir die leerders op band te neem. Hulle moet deur te luister (nie kyk nie!), probeer raai watter sportsoort ter sprake is. Indien daar ‘n hele paar voorbeelde is, kan die onderwyser vooraf vir die leerders die verskillende opsies gee. Dit is belangrik dat leerders soms na ‘n stem luister van iemand wat hulle nie kan sien nie. Probeer dus ook om gereeld vir hulle stories op band te speel.

LU 1.1

Lees die storie “Willie gaan visvang” aan die klas voor en vra vrae om te toets of hulle geluister het. Leerlinge kan ook hierdie en ander stories vir die klas terugvertel.

LU 1.3

Die onderwyser kan ‘n visvang-speletjie maak om leerlinge se woordeskat uit vorige modules te toets. Kies woorde wat die leerders in vorige modules moes leer en skryf hulle op karton neer. (Oopgeknipte papdose of ander kartonhouers kan baie goed vir die doel gebruik word.) Heg ‘n skuifspeld aan elke kaartjie vas. Maak nou twee of drie eenvoudige visstokkies met ‘n hoekie aan die punt. (Die hoekie kan ook ‘n skuifspeld wees wat oopgebuig is.) Die “vissies” word met die woorde na onder in ‘n houer of op die mat geplaas. Leerders kan nou in groepies van twee of drie visse vang. Indien hulle die woordjie kan lees, kan hulle dit hou. Indien nie, moet hulle dit teruggooi. Die leerder wat aan die einde die meeste visse het, wen.

LU 3.4

In die vorige module is die aa, ee en oo klanke aangeleer. In hierdie module hersien ons bogenoemde klanke en leer ook die uu en oe klanke aan. Agterin hierdie module is weer klankekaartjies wat die leerders kan uitknip om woorde mee te bou. Laat hulle hierdie kaartjies gereeld uithaal en daarmee woorde bou. (Dit is verkieslik dat die kaartjies op karton gekopieer word.)

LU 6.1

Leer die volgende woorde vir die leerders aan: sport, visvang, rugby, krieket, netbal, hokkie, sokker. Onthou om hierdie, asook woorde uit vorige modules, gereeld vir die leerders te flits.

LU 3.4

Koerantaktiwiteite:

Versamel ‘n aantal koerante en deel die klas in groepe van vier tot vyf leerders. Laat hulle die aktiwiteit op die volgende bladsy voltooi.

Gebruik ook die koerante om leerders aktiwiteite soos die volgende te laat doen.

  • Knip letters uit die koerant om die lede in julle groepe se name mee te bou.
  • Soek ‘n prent in die koerant van iemand wat gelukkig is.
  • Soek ‘n prent in die koerant van iemand wat hartseer is.
  • Knip vier woorde uit die koerant wat die lede in jou groep kan lees.
  • Knip drie woorde uit die koerant en gebruik dit om drie verskillende sinne te skryf.
  • Soek ‘n woord in die koerant wat met “b” begin.
  • Soek ‘n woord in die koerant met die “aa” klankie in.

LU 5.3

Leerders begin nou in dun lyntjies skryf. Sorg dat hulle gereeld oefening kry hierin. Stories word egter nog steeds op skoon papier, sonder lyne, geskryf. Laat hulle die aktiwiteit op bladsy 5 doen. Daar is oop lyntjies waarin hulle ook ander letters, syfers en sinne kan oefen.

LEERDERS AFDELING

Inhoud

Willie Waps gaan visvang

Willie Waps staan gereed met sy rugsakkie op sy rug. Dit is ‘n pragtige dag in die bos en hy gaan visvang! Sy pappa het sy visstok vir hom gemaak toe hy nog baie klein was en hy is baie lief daarvoor. Dit is ‘n baie netjiese visstokkie en Willie het al drie groot visse en ag kleintjies daarmee gevang.

Willie se pappa het hom leer visvang. Hy was sommer nog klein toe sy pappa hom vir die eerste keer saamgeneem het. Daar langs die stroom het sy pappa vir hom geleer hoe ‘n mens ‘n visstok vashou, en van die aas wat jy aan jou hoek moet sit en die visse wat wurmpies en goggatjies eet. Sy pappa het ook vir hom geleer dat ‘n mens nooit meer moet vang as wat jy gaan nodig hê nie, anders is daar later geen visse in die bos oor nie. Elke keer wanneer Willie op sy eie gaan visvang, onthou hy weer al hierdie belangrike dinge wat sy pappa hom oor visvang geleer het.

Met Makkie op sy skouer loop Willie in die rigting van die stroompie by die groot boom. Vandag gaan hy darem vir jou lekker visvang! In sy rugsakkie het hy ‘n blikkie met aas vir die visse en ‘n botteltjie koeldrank vir wanneer hy dors word. (Makkie sal sommer uit die stroompie water drink, want akkedisse hou nie baie van koeldrank nie.)

By die stroompie gekom, stap Willie stadiger en Makkie loer versigtig oor sy skouer. Hulle wil nie die visse skrikmaak nie - anders vang hulle dalk niks! Willie gaan sit op ‘n mooi ronde klip en begin solank die aas aan sy hoek sit. Daarna gooi hy die lyn in die water en sit terug. Nou moet die visse byt!

Die van julle wat al gaan visvang het, sal seker weet dat mens soms lank sit sonder dat enige visse aan jou aas kom proe. Willie en Makkie is later skoon moeg! Visvang is nie lekker as ‘n mens nie ‘n vis vang nie! Gelukkig kom Vollie later daar verby gestap - hy grawe in die bos vir bolle en knolle om te eet. Toe hy vir Willie en Makkie sien, onderbreek hy eers sy soektog na kos en kom sit by hulle en gesels. Hulle gesels so lekker oor die bos en die nuwe paadjies wat Vollie gesien het en die nuwe plekkies waar hulle nog altwee wil gaan loop, dat Willie skoon vergeet van die visse wat hy wil vang. Skielik is daar ‘n harde pluk aan die lyn! Willie en Makkie wip soos hulle skrik en Vollie dans al in die ronde van opgewondenheid! Wat het Willie gevang?

  • Makkie en Vollie was so opgewonde, dat hulle ‘n liedjie gesing het. Kan jy saamsing?

Ons staan nog so by die stroom,

ons het nog gestaan en droom.

Skielik byt iets aan die hoek,

nou moet ons die vis gaan soek!

Willie moet nou swoeg en sweet

as hy vanaand die vis wil eet.

Visvang is mos harde werk,

jy word sommer baie sterk!

Ons is sommer baie bly!

Willie gaan ‘n groot vis kry!

Sing nou almal, sing nou saam.

Sing vir Willie, roep sy naam!

Tabel 1
LU 3.4  
  • Soek ‘n prent in die koerant wat by die woord pas.
Tabel 2
   
Krieket sokker
   
Rugby tennis
Tabel 3
LU 3.4  
Figuur 1
Figuur 1 (graphics1.png)
Tabel 4
LU 4.1  

  • Omkring al die woorde wat jy kan sien

vangkrltsviskjhgnyrthshuis

mbisngtreinklmbndhonder

klfhrtdstertkhjopmsboomky

gnhjkonsgfhrbessieskkplks

grtvierjhkglpwaterkhmnkas

Tabel 5
LU 6.2  

Assessering

Leeruitkomste 3:LEES EN KYK: Die leerder is in staat om vir inligting en genot te lees en te kyk en krities op die estetiese, kulturele en emosionele waardes in tekste te reageer.

Assesseringstandaard 3.4: Dit is duidelik wanneer die leerder letters en woorde herken en betekenis uit geskrewe teks skep.

Leeruitkomste 4:LEES EN KYK: Die leerder is in staat om verskillende soorte feitelike en verbeeldingstekste vir ‘n wye verskeidenheid doeleindes te skryf.

Assesseringstandaard 4.1: Dit is duidelik wanneer die leerder toenemend leesbaar skryf.

Leeruitkomste 6:TAALSTRUKTUUR EN –GEBRUIK: Die leerder ken en is in staat om die klanke, woordeskat en grammatika van die taal te gebruik om tekste te skep en te interpreteer.

Assesseringstandaard 6.2: Dit is duidelik wanneer die leerder met woorde werk.

Content actions

Download module as:

PDF | EPUB (?)

What is an EPUB file?

EPUB is an electronic book format that can be read on a variety of mobile devices.

Downloading to a reading device

For detailed instructions on how to download this content's EPUB to your specific device, click the "(?)" link.

| More downloads ...

Add module to:

My Favorites (?)

'My Favorites' is a special kind of lens which you can use to bookmark modules and collections. 'My Favorites' can only be seen by you, and collections saved in 'My Favorites' can remember the last module you were on. You need an account to use 'My Favorites'.

| A lens I own (?)

Definition of a lens

Lenses

A lens is a custom view of the content in the repository. You can think of it as a fancy kind of list that will let you see content through the eyes of organizations and people you trust.

What is in a lens?

Lens makers point to materials (modules and collections), creating a guide that includes their own comments and descriptive tags about the content.

Who can create a lens?

Any individual member, a community, or a respected organization.

What are tags? tag icon

Tags are descriptors added by lens makers to help label content, attaching a vocabulary that is meaningful in the context of the lens.

| External bookmarks