Die aard van metaalbindings
Die struktuur van a metaalbinding is heeltemal verskillend van kovalente- en ioniese verbindings. In 'n metaalbinding is die valenselektrone gedelokaliseerd, wat beteken dat elke atoom se elektrone nie om slegs daardie een nukleus bly nie. Die positiewe atomiese nukleusse (ook bekend as atooomkerne) word omring deur 'n see van gedelokaliseerde elektrone wat deur die nukleusse (figuur 1) aangetrek word.
- Definition 1: Metaalbinding
Metaalbinding is die elektrostatiese aantrekking tussen die positiefgelaaide kerne van die metaalatome en die gedelokaliseerde elektrone in die metaal.
 |
Die eienskappe van metale
Metale het verskeie unieke eienskappe wat as volg opgesom word:
- Termiese geleiers Metale is goeie geleiers van hitte en word daarom in kosmaaktoerusting soos potte en panne gebruik. Omdat die elektrone in staat is om vrylik te kan beweeg, vervoer hulle hitte baie effektief van een deel van die materiaal na 'n ander.
- Elektriese geleiers Metale is goeie geleiers van elektrisiteit en word daarom in elektriese geleidingsdrade gebruik. Omdat die elektrone in staat is om vrylik te kan beweeg, vervoer hulle ladings baie effektief van een deel van die materiaal na 'n ander.
- Blink metaliese skyn Metale het 'n kenmerkende blink voorkoms en word gereeld gebruik in juweliersware. Die vrybewegingde elektrone is in staat om lig teen alle frekwensie te absorbeer en weerkaats, wat metale blink en gepoleer laat voorkom.
- Smeebaar en pletbaar Hiermee word bedoel dat metale in verskillende vorme gebuig kan word sonder om te breek (smeebaar) en gerek kan word tot dun drade (pletbaar) soos koperdraad, wat gebruik kan word om eletrisiteit te gelei. Bogenoemde is moontlik omdat die bindings nie in 'n bepaalde rigting vas is nie en die atome maklik oor mekaar kan gly.
- Smeltpunt Metale het gewoonlik 'n hoë smeltpunt en kan daarom gebruik word om artikels wat hoë temperature moet weerstaam, soos kookpotte, te vervaardig. Die hoë smeltpunt kan toegeskryf word aan die sterkte van metaalbindings.
- Digtheid Metale het 'n hoë digtheid omdat hul atome styf teen mekaar geleë is.
Chemiese verbindings
- Gee twee voorbeelde van alledaagse artikels wat die volgende bevat:
- kovalente bindings
- ioniese bindings
- metaalbindings
- Voltooi die tabel wat verskillende tipes bindings vergelyk:
Tabel 1 Kovalent Ionies Metaal Tipes atome betrokke Aard van die verbinding tussen atome Smeltpunt (hoog/laag) Elektriese geleidingsvermoë (goed/sleg) Ander eienskappe - Voltooi die onderstaande tabel deur die tipe binding (kovalent, ionies of metaal) in elk van die gegewe verbindings te identifiseer:
Tabel 2 Molekulêre formule Tipe binding H FeS NaI MgCl Zn - Watter een van hierdie stowwe sal elektrisiteit die beste gelei? Gee 'n rede vir jou antwoord.
- Gebruik jou kennis van die verskillende tipes bindings om die volgende stellings te verduidelik:
- Om te swem tydens 'n elektriese storm (d.w.s. donderweer) kan baie gevaarlik wees.
- Meeste juweliersware word van metale gemaak.
- Plastieke is goeie isolators.
